Gure mahastiak
Gure mahastietan sortzen da gure ardoen magia
Ostatu mahastia, lurra eta oreka da. Gure mahastietan jaiotzen da gure ardoen magia eta bertan kontatzen du mahatsondo bakoitzak paisaia paregabe baten eta denboran errotutako mahastizaintzaren historia.
Kantauri-Toloño mendilerroaren babespean, 36 hektarea mahasti lantzen ditugu, 50 mikro-lursailetan banatuta, hainbat altuera eta orientabidetan, lurzoru buztin-karetsuen mosaikoa.
Klima atlantikoak eta mediterraneoak bat egiten duten mikroklima bakar horrek izaera eta jatortasuna ematen die bertako mahastiei. Mahastien hegoalderanzko orientazioak eta mendilerroaren babesak eguzkiaren, euriaren eta brisa freskoen arteko oreka perfektua sortzen dute.
Hemen, lurra herentzia eta konpromisoa da. Betidanik, ingurua errespetatzen duen mahastizaintzan aritu gara, eta errespetu horren ondorio da gaur egun ENEEKek gure mahastiak ekologikoak direla ziurtatzea.
Lurzorua, ekosistema eta gure aurreko ondarea zaintzen ditugu. Lur pobre baina orekatuak dira eta mahasti zaharren sustraiak baldintza hobeagoen bila sakonago joatera behartzen dituzte.
Era horretan, arima eta adierazpen bakarreko ardoak sortzen dira.
